Neste 25 N, Día Internacional contra a Violencia de Xénero, todo o colexio dixo NON contra todas as violencias machistas.
E dende Bibliobrozos compartimos un gran catálogo de libros para traballar a igualdade entre homes e mulleres
Neste 25 N, Día Internacional contra a Violencia de Xénero, todo o colexio dixo NON contra todas as violencias machistas.
E dende Bibliobrozos compartimos un gran catálogo de libros para traballar a igualdade entre homes e mulleres
Nun día tan importante para o noso alumnado, dende Bibliobrozos querémosvos compartir un catálogo de libros relacionados coas estas conmemoracións:
- Do 20 de novembro: Día Universal dos Nen@s
- Do 10 de decembro: Día da Declaración dos Dereitos humanos
Están na biblioteca agardando por vós!
Con motivo do Mes da Ciencia en Galego retomamos os experimentos nos recreos, por parte do alumnado de 5º e 6º de Primaria.
Esta semana pasou por Bibliobrozos o alumnado de 6º de Primaria para ensinar os seus experimentos.
A vindeira seguiremos con máis experimentos... asi que esperamósvos!!!
E aquí vos deixamos algúns dos libros que están esperando por vós nos andeis de Bibliobrozos sobre o fascinante mundo da Ciencia.
Neste Samaín, Bibliobrozos vestiuse de gala coa decoración terrorífica para recibir aos rapaces/zas e que desfrutaran da gran exposición de libros sobre a temática.
Por outra banda, ademáis de levar a cabo un obradoiro de marcapáxinas para facer conxuros durante as lecturas, realizouse en colaboración co Equipo de Dinamización da Lingua Galega, un concurso de Banda Deseñada de Samaín para o alumnado de 5º e 6º de EP.
A partir da visualización do vídeo, creado polo equipo EDLG, sobre a orixe do Samaín, o alumnado tiña que elaborar o seu propio cómic no formato que quixera e estes foron algúns dos espectaculares resultados:
Xa están aquí as de novidades de novembro en Bibliobrozos!!!
Recordade que se queredes saber máis destos libros, pasade o rato por riba do símbolo + e teredes un pequeno resumo dos contos.
Cos pequenos de 3 anos, que aínda non coñecían a aula de contos, fixemos un contacontos coa historia cantada “Me visto…¡Y te como!” e a canción “Juguemos en el bosque".
Acudiron á nosa pequena biblioteca tras ser convidados pola nosa mascota, Brociños, e recibiron de agasallo unha pequena casiña cunha réplica en miniatura da nosa mascota para que a coiden na clase contándolle moitos contos.
Despois do conto, xogamos a poñerlle e quitarlle a roupa ao lobo e falamos das normas que debemos seguir na Aula de Contos. Por último, levaron tamén un pequeno cartel do conto cun lobo para colorear.
Os maiores de 4 e 5 anos, que xa coñecen a Brociños e a aula de contos, recibiron unha invitación para comezar a usala de novo e un libro relacionado co proxecto que están a traballar en cada un dos niveles de Infantil: O Espazo e O Bosque.