Obradoiro de cómics!!

Con motivo do Día do Cómic, o alumnado de 4º de Primaria veu a Bibliobrozos a facer un obradoiro para crear cómics en en formato dixital.

Aprenderon a utilizar as aplicacións "Comic Captions" e "Book Creator" para crear as súas historias.

Wow!!! Que ben o pasaron e canto aprenderon!!!

Obradoiro de poesia en 1º de Primaria!!

Rematamos os obradoiros co alumnado de 1º de Primaria que desfrutou dun taller de poesía no que xogaron coas rimas, crearon as súas obras e recitáronas.

Voltaremos con máis obradoiros para o vindeiro curso!!

Obradoiro de poesía!!

Neste mes da poesía, realizamos en Bibliobrozos, un obradoiro de Poesía para o alumnado de 2º de Primaria.

Primeiro traballaron a teoría recordando que era un poema, as súas partes e a rima. 

Despois xa se puxeron mans a obra con xogos de rimas e por último fixeron as súas propias creacións utilizando as rimas dos xogos.

Son uns auténticos poet@s!!!

Obradoiro de Mindfulness en Infantil!!

Dende de inicio de mes, todo o alumnado de Infantil (3, 4 e 5 anos) foi pasando pola Aula de Contos para facer un obradoiro de Mindfulness!!

Primeiro comezaron co contacontos do libro "Respira" que explica como a respiración se relaciona coas emocións. 

Logo, realizaron e aprenderon algunhas  técnicas de relaxación e respiración que axudan a activar a mente.

E para rematar o obradoiro, elaboraron o seu propio bote da calma para levar para a aula e así, relaxarse e tranquilizarse cando se sintan enfadados ou frustados.

Obradoiro de iniciación ao lettering!!

Esta semana, o alumnado de 4º de Primaria, comezou a pasar por Bibliobrozos para aprender a deseñar, compoñer e escribir letras bonitas no obradoiro de Iniciación ao Lettering!!!

Equipados con rotuladores de punta pincel  comezaron aprendendo a realizar trazos finos, grosos... ata ir creando a súas propias creacións. 

Obradoiro de Haikus!!

O curso pasado adentrámonos no mundo xaponés cos obradoiros de debuxo Kawaii, e tal foi o éxito que este curso seguimos na mesma liña, pero nesta ocasión incidindo na poesía xaponesa cos: obradoiros de Haikus.

Preguntarédesvos que son os Haikus, vóuvolo contar:

-Haiku é un tipo de poesía xaponesa, un poema breve que conecta coa emoción e coa natureza. Ten 3 versos e non ten rima.

O alumnado de 5º de Primaria xa pasou por Bibliobrozos para facer os seus Haikus en forma de pai pai... E xa temos todo preparado para que en xaneiro pasen máis nenos e nenas a facer os seus Haikus!!

Obradoiro Mindfulness!!!

Esta semana en Bibliobrozos, os nenos e nenas de 2º de Primaria, aprenderon técnicas de relaxación e respiración que axudan a activar a mente. 

Para iso, empregamos o conto "Respira" no que se explica como a respiración se relaciona coas emocións. Por exemplo, se estamos nerviosos a respiración é mais rápida, se estamos tranquilos é pausada... Tamén nos ensinou posturas para prender a respirar: a postura da mente atenta, da árbore, do foguete... Ata coñecimos como se pode respirar coas vogais!!!!

Estas técnicas axudaranlles cando teñan miles de ideas na cabeza ou cando teñan un pesadelo mentres dormen.

E para rematar o obradoiro, elaboraron o seu propio bote da calma para relaxarse e tranquilizarse na aula cando se sintan enfadados, frustados...

A vindeira semana lles tocará ao alumnado de 1º de Primaria.